TERCEIRO DÍA NA ESTADÍA DE 3ºEP

Ola familias!

Hoxe foi o noso último día de estadía.

Estivemos investigando as árbores que forman o bosque que arrodea o colexio.

Traballamos en equipo para elixir unha árbore e estudala a fondo: observamos a súa codia, as súas follas, os seus froitos e medimos o seu alto e o seu groso. 

Cando xa coñecemos todas as súas características, comprometémonos a coidar, durante todo o ano, das árbores que naceran das sementes que plantaremos o luns pola mañá.

Aquí rematou a nosa estadía de 3º EP. 

E aínda que estamos moi cansos, imos cheos de experiencias para compartir con vós ao longo de toda a fin de semana.

DESCANSADE MOITO !!

ATA PRONTO!!

SEGUNDO DÍA NA ESTADÍA DE 3º EP

Ola familias!

Hoxe fomos de excursión ao río Mandeo.

É un sitio precioso. Para coñecelo ben camiñamos pola beira do río, entre as árbores do bosque de ribeira.

Observamos como un tractor levaba a madeira cortada nun remolque moi grande. Tamén vimos un merlo rieiro e xogamos a diferenciar as follas das árbores cos nosos sentido.

Fomos xantar ao “Parque do pasatempo” e cando rematamos xogamos no labirinto e percorremos grutas que nos levaban a covas secretas.

Foi divertidísimo!

E pola noite …

 … FESTA!!!

ESTADÍA DE OUTONO DE 3º EP

Ola familias!

Hoxe comezaron as estadías de outono en Trevia cuns visitantes moi especiais:

OS NENOS E NENAS DE 3º EP

Que contentos e contentas estaban, de volver de estadía!

Viñan dispostos a aprender, gozar e compartir momentos inesquecibles!!

Pero, comecemos desde o principio:

Con David aprendimos, na aula, moitas cousas novas e interesantes sobre os cogomelos.

E despois saímos ao bosque a poñelas en práctica. 

Que cogomelos máis interesantes atopamos!

Pola tarde tivemos momentos para todo: traballamos no noso caderno de campo, analizamos algún cogomelo, comprobamos o espertos que están os nosos sentidos, cociñamos, xogamos,…

Foi un día xenial!!

Pasade unha feliz noite! Ata mañá!

ESTUDIO DO RÍO

OBSERVANDO, INVESTIGANDO E ANALIZANDO:

O río Miño e a Insua de Seivane

O xoves 10 abril os alumnos e alumnas de 5º e 6º EP de Galén participamos activamente na primeira parte do traballo de investigación que estamos a realizar para a semana do "Consumo responsable".

Foi un día moi intenso, onde o tempo nos axudou a aproveitar a ocasión de aprender investigando sobre a realidade que nos arrodea.

A nosa misión foi a de investigar cal era a calidade ambiental do río e do seu contorno, así como comprender a etnografía ligada ao aproveitamento deste recurso.

 Forum Internacional de Innovación sobre a Auga

Galén participa durante esta semana no Campus da Auga 2014:  Forum Internacional de Innovación sobre a Auga, un lugar de encontró para o intercambio de experiencias de investigación, educación e innovación relacionada coa auga.

  

O traballo que presentamos e, que foi elixido con corenta experiencias máis , é a investigación que realizamos hai dous anos no Proxecto Interdisciplinar sobre a auga elaborado polo alumnado que neste momento cursa 3º ESO.

Traballo aquí.