3º DÍA DE ESTADÍA DE 1º EP

INVESTIGANDO A MICROFAUNA
Hoxe rematamos a estadía, pero antes decidimos voltar ao bosque para descubrir animais de pequeno tamaño como arañas, escarabellos, opilións, grilos, ...

Aprendimos moitas cousas e  pasámolo estupendamente.

Foi xenial a estadía en Trevia, estamos desexando volver, pero aínda temos que esperar... 

Podedes ver todo o que fixemos no blog de Medrando en Galén

SEGUNDO DÍA DA ESTADÍA DE OUTONO DE 1º EP

UN DÍA DE AVENTURAS!

Hoxe fixo un día fantástico! Despois dunha noite de descanso e dun almorzo reparador, preparámonos para ir ata Avifauna.

Que gañas tiñamos de chegar! 

Alí atopámonos con José Manuel, o educador que nos fixo viaxar a través de todos os continentes grazas ás historias que lle escoitamos sobre cada unha das aves que íamos vendo.

Despois saímos cara a Penas de Rodas: un lugar incrible onde correr mil aventuras. Poidemos imaxinar todo tipo de xogos e ademais levalos á practica, gozando xuntos, de momentos irrepetibles.

COMEZA A ESTADÍA DE OUTONO DE 1º EP EN TREVIA

Hoxe recibimos por primeira vez na aula de natureza a uns convidados e convidadas moi especiais:

OS RAPACES E RAPAZAS DE 1º DE EP

Nada máis chegar unha becada e unha pita de monte andivéronos a introducir nos segredos dos bosques. E con moitas gañas e con máis ilusión, fixemos o noso primeiro itinerario polo bosque e descubrimos que alí nos agardaban moitas sorpresas por descubrir.

Pola tarde fixemos un xogo de probas por equipos, a XINCANA DO BOSQUE, para ver se recordabamos o que aprendéramos pola mañá. 

Que divertido xogar e traballar en equipo! Todos e todas demos o mellor de nós mesmos!

Mirade como o pasamos:

E tamén houbo tempo para trepar polas árbores e para entrenarnos a fondo nun lugar moi especial:

A NOSA CARBALLEIRA

TERCEIRO DÍA DE ESTADÍA EN TREVIA

HOXE É O NOSO DERRADEIRO DÍA EN TREVIA

Rematamos, pero ademais para sempre, pois a de 1º ESO foi a última estadía en Trevia.

A nosa última actividade foi a realización do estudo dun ecosistema de bosque.

Dividímonos en equipos e tratamos de comprender as relacións que hai entre os factores físicos do ecosistema e os seres vivos que o habitan.

Mirade algún dos momentos do traballo:

Forón catro os anos de estadías nosa aula de natureza desde que comezamos en 1º EP  ata agora. Levámonos moitos recordos e experienzas, que sin dúbida, valoraremos, aínda máis co tempo.

Aquí quedan algúns deles!

SEGUNDO DÍA DE ESTADÍA

Á VOLTA COS COGOMELOS!

Hoxe tivemos unha xornada auténtica de outono, adicada ao coñecento dos cogomelos.

Despois dunha noite de merecido descanso e dun almorzo revitalizante,  David contounos gran cantidade de características  dos cogomelos que podiamos atopar nos arredores do colexio.

Despois, preparámonos e saímos cara bosque. Alí puidemos observar gran cantidade deles, así como recoller algún para despois cociñalo pola tarde.

Demos un bo paseo, tratando de visitar diferentes hábitats coa fin de poder observar a maior variedade de cogumelos posible.

Despois de xantar, preparámosnos para facer o noso propio cultivo de Pleurotus ostreatus. 

 

ESTADÍA DE OUTONO DE 1º ESO EN TREVIA

ITINERARIO POLA COSTA DE DEXO

Hoxe comezamos a estadía de outono achegándonos ata a Costa de Dexo, no concello de Oleiros. 

Saímos ás 9.15 cara a Aula do Mar situada na antiga Casa o Fareiro, e que na actualidade é un centro de visitantes dedicado á información do público que se achega ao Monumento Natural Costa de Dexo-Serantes.

Alí estaba a esperarnos Rebeca, a educadora ambiental, que como cada ano, nos foi desentrañándo os segredos mellor gardados entre cantís, descubríndonos aves mariñas, herbas de namorar e a maravillosa festuca sobre a que nos puidemos deitar para poder escoitar o son do mar. 

Fixo un día espléndido, no que houbo tempo para xogar, rir, aprender e compartir.

Deixámosvos algún dos momentos do día.

TERCEIRO DÍA DA ESTADÍA DE 5º EP

ESTUDANDO A PAISAXE

É a primeira vez que traballamos a paisaxe de forma práctica, e é sorprendente ver, como hai diferentes elementos paisaxísticos que poden contaminar visualmente.

Hoxe saímos da aula cara o punto máis alto dos arredores de Galen coa fin deobservar dalgún destes elementos. 

Primeiro, identificámoslos mediante un cadrante, para logo estudar o porque no impacto paisaxístico que causaba.

Mirade como nos organizamos!

Despois do traballo ben feito e de compartir fermosas experiencias, chega o momento de marchar.

Disfrutade moito da fin de semana!

Vémonos o luns!

SEGUNDO DÍA NA ESTADÍA DE 5º EP

Hoxe amenceu un día frío, pero iso non nos desanimou a traballar, nin moito menos!

Despois do almorzo, saímos cara á horta a estudar unha maceira. Foi o principio dun día emocionante, no que íamos aprender o proceso completo desde a recollida da mazá ata a elaboración da sidra.

Mirade como traballamos coas mazás! Da gusto vernos!

Primeiro trituramos as mazás coa estrulladora, para logo, metelas na presa para obter o zume que imos poñer a fermentar.

 Pola tarde, deseñamos un territorio no que puidésemos  vivir, de xeito sostible, as persoas co medio natural. Fixemos catro propostas, en equipo, ben interesantes.

Ata mañá!