ESTADÍA DE OUTONO DE 5º EP

Hoxe comezou a Estadía de 5º EP cunha das actividades que máis nos gustan:

VISITA Á FEIRA DE CASTRO!

Deixámosvos o enlace para que poidades gozar dalgunhs dos momentos estupendos que vivimos aquí 

COÑECENDO AS ÁRBORES DO BOSQUE

Hoxe é o noso último día de estadía. 

E aínda que estamos desexando volver para contarvos todas as nosas aventuras, queremos aproveitar o tempo ao máximo.

Hoxe temos que elixir unha árbore dentro do bosque, que para nós, sexa ben especial.
Imos estudiala a fondo para coñecer a súa altura, o seu toro, as súas follas e froitos.
Todas e todos sentímonos atraídos por un castiñeiro xigante que había nun souto preto a Galén.

Mirade o traballo que fixemos!.
Gozamos moito de aprender e traballar en equipo!

Agora toca descansar, revivir os momentos especiais, compartidos con todos e todas, e esperar a que chegue a estadía de 5º EP.

Gozade dun merecido descanso!

Do Mandeo ao Pasatempo

Hoxe tivemos un día cheo de emocións.
O primeiro foi compartir un delicioso almorzo con todos e todas, despois de unha noite fantástica:
DURMIMOS XENIAL!

Despois preparámonos para ir ata o río Mandeo, en Coirós, cerca de Betanzos.

O día estivo fantástico para camiñar entre o bosque de ribeira que acompaña ao río Mandeo. Vimos diferentes árbores, fentos e cogumelos.
Foi un paseo relaxado nun contorno moi fermoso. Deixámosvos algunhas imaxes para que poidades comprobalo.

Para xantar, fomos ata o parque do Pasatempo. Alí houbo tempo para xogar, correr, rir e explorar.
Fixádevos que ben o pasamos!

COMEZA A ESTADÍA DE 3º EP EN TREVIA

Coa chegada do outono , comezamos tamén as estadías en Trevia.

Hoxe os rapaces e rapazas de 3º EP, puidemos gozar dun fermoso día sobre os cogumelos.
Pero antes de comezar a traballar, instalámosnos. Que ilusión elexir as literas onde imos durmir!
Encantounos coñecer os cogomelos que atopamos no paseo que fixemos polo bosque.
Traballamos en equipo, divertímonos, compartimos e aprendimos un montón de cousas novas.
Deixámosvos ajgunha imaxe do día.

SEGUNDO E TERCEIRO DÍA NA ESTADÍA DE 1º ESO

Ola familia! 

Hoxe rematou a nosa última estadía en Trevia.

O tempo non nos axudou, pero aínda así fomos capaces de aprender, divertirnos, compartir e ...

... desexar que as novas experiencias que vivamos xuntos, sexan tan emocionantes como as que levamos vivido.

Adeus Trevia, ata sempre!!

ESTADÍA DE OUTONO EN TREVIA 1º ESO

Ola a todos e a todas!

Hoxe comezamos a tan esperada estadía en Trevia. En canto chegamos, baixamos con todo o noso equipaxe cara á aula coa intención de instalarnos.

Cantos recordos nos traen as habitacións, as liteiras, …, cantos momentos compartidos ao longo deste anos.

Sabemos, e somos conscientes, de que esta vai ser a nosa última estadía, e por iso, queremos aproveitala “a tope”.

Hoxe tíñamos previsto ir a Mera, a coñecer o Monumento Natural Costa de Dexo-Serantes, e aínda que estaba chovendo en Lugo, continuamos co plan previsto, esperando que a auga nos dera algunha tregua na costa. 

Pero non foi así, nada máis chegar caeunos un bo chuvasco. Menos mal que despois remitiu, e puidemos realizar o itinerario para así gozar da marabillosa paisaxe costeira  que tiñamos ante os nosos ollos.

Mirade cantos momentos inesquecibles!

 Non nos botedes moito de menos, porque como podedes comprobar, estámolos pasando xenial. Ah! e aprendendo moito.

Moitos bicos e ata mañá.

SEGUNDA DÍA DA ESTADÍA DE 5º EP EN TREVIA

Ola familia!

A que non sabedes que fixemos hoxe?

Non o ides crer, pero fixemos a NOSA PROPIA SIDRA. 

Con Ramón e David aprendemos moito sobre as mazás e tamén, sobre as máquinas que necesitabamos para preparar o zume que logo será o que se transforme na sidra mediante a fermentación.

Mirade que ben se nos deu!