DESCUBRIMOS ALGÚNS DOS GASES QUE COMPOÑEN A NOSA ATMOSFERA

Estamos traballando sobre a atmosfera, descubrindo de xeito experimental como funciona e cal é a súa composición. Deixovos aquí algúns momentos dos nosos experimentos.

DEMOSTRAMOS A PRESENZA DE OSÍXENO E QUE É MÁIS DENSO CA O DIÓXIDO DE CARBONO

PREPARAMOS AZUL DE BROMOTIMOL, REACTIVO QUE NOS VAI PERMITIR DETECTAR A PRESENZA DE DIÓXICO DE CARBONO

O CAMBIO DE COR, DE AZUL A AMARELO, DETERMINA A PRESENZA DE DIÓXIDO DE CARBONO

XERAMOS CÉLULAS DE CONVECCIÓN CON AUGA QUENTE (COR AZUL) E AUGA FRÍA ( TRANSPARENTE)

NO NADAL REFLEXIONAMOS SOBRE O COMERCIO XUSTO

Este mes estivemos traballando sobre o consumo responsable e indagando sobre o mesmo, atopamos un novo concepto no que afondar:

O COMERCIO XUSTO

PERO A MELLOR FORMA DE COMPRENDER O QUE SUCEDE A GRAN ESCALA E VIVILO!

POLO QUE NOS DISPUXEMOS A REALIZAR UN XOGO DE ROL NO QUE SIMULAMOS O COMERCIO INTERNACIONAL DA PRODUCIÓN DE PLÁTANO EN ECUADOR.

BOTADE UNHA OLLADA AO QUE ACONTECEU:

 DE COMPRAS NO "GALENFOUR"

OBRADOIRO DE CONSUMO RESPONSABLE

O consumo ocupa unha parte fundamental na nosa vida diaria, non só pola importancia que ten á hora de cubrir as nosas necesidades, senón porque as nosas  actuacións van ter un impacto directo sobre o medio ambiente, a saúde e a xustiza social. Iso vai supor que, elixir de xeito responsable, sexa determinante cara a consecución dun desenvolvemento máis xusto e sostible para todos. E iso só vai depender de nós.

 E aquí nos tedes!!, facendo unha compra responsable tendo en conta o ciclo de vida dos produtos, o lugar de fabricación, as embalaxes, o proceso de produción,...

Mirade que marabillosa sorpresa tivemos hoxe!

 

Despois dun traballo minucioso e unha longa espera de  6 semanas:

AQUÍ TEDES O RESULTADO!

Recordámosvos tamén, os mellores momentos da inoculación do micelio:

Noraboa!! Bo traballo !!

DESCUBRINDO O BOSQUE COMO UN ECOSISTEMA EN PLENO FUNCIONAMENTO

Hoxe estivemos realizando o estudio do ecosistema do bosque. 

Foi un traballo en equipo, que consistía en observar, utilizar diferentes instrumentos e interpretar os resultados coa fin de determinar as condicións ambientais do bosque e descubrir como os diferentes seres vivos que fomos observando (árbores, arbustos, fungos, insectos,...) atópanse adaptados ao medio no que se desenvolven.

Traballamos duro, pero xuntos, aprendemos mentres gozamos do que imos descubrindo.

Bueno, só queda despedirnos, pois esta é a derradeira que pasaredes en Trevia. Seguide aprendendo coas mesmas ganas e sendo un gran equipo que sodes. Unha aperta e ...

...ATA PRONTO!

TAMÉN APRENDIMOS A CULTIVAR COGOMELOS

Unha experiencia de laboratorio que nos permitiu ampliar a aprendizaxe sobre o desenvolvemento dos cogumelos foi o cultivo de Pleurotus ostreatus ou seta de cardo en saco de palla.

E foinos estupendamente, só tedes que ver o resultado!

Bueno, agora só temos que esperar arredor de 6 semanas para comezar a colleita!

Irémosvos informando!

SEGUNDO DÍA DA ESTADÍA DE 1º ESO

APRENDENDO SOBRE OS COGOMELOS

 

Hoxe estivemos todo o día aprendendo sobre os cogomelos. Foi moi divertido e, sobre todo, moi interesante.

A primeira hora, David explicounos o que eran os fungos e os cogomelos. Tamén nos amosou as diferentes formas cos cogomelos poden amosar no contorno. Tamén nos deu unhas boas recomendacións para poder recolectar os cogomelos con seguridade para o contorno e para nós.

Despois do almorzo de media mañá preparámonos para saír cara ao bosque a poñer en práctica todo o que aprendéramos pola mañá.

Coa parte da teoría ben comprendida e preparados para a recollida, todo o grupo saliu arredor do centro para recoller diversos exemplares de cogomelos. Recorrimos diferentes hábitats, carballeiras, soutos, piñeirais e prados, o que nos permitiu ir atopando diferentes exemplares de  Amanitas, Lepiotas, Boletos, Tricholomas,  …

 

Camiñamos arredor de dúas horas  e atopamos  especies con cheiros inimaxinables para un cogomelo:  a pataca cruda, a anís, a azufre, a carne podre,… 

Foi unha saída moi interesante na que gozamos de aprender en equipo, de xeito vivencial e no medio natural.